Пенсияләр арта

Агымдагы елда хезмәт пенсияләренә беренче индексация 1 февральдән 6,5 процент күләмендә ясала. Ә икенче тапкыр пенсия арту 1 апрельдән булачак. Анда хезмәт пенсияләре - 2, социаль пенсияләр - 17,6, һәр ай саен бирелә торган түләүләр 5 процентка арта. Мәгълүм булганча, 2015 елның 1 гыйнварыннан пенсияләрне яңача исәпләү гамәлгә керә. Әгәр дә бүгенге көндә хезмәт пенсиясе нигездә иминият түләүләренә бәйле булса, яңа тәртип буенча хезмәт стажы да мөһим роль уйнаячак. Һәр эшләгән елга билгеле балл бирелә. Бер баллның бәясе ел саен Россия хөкүмәте карары белән билгеләнәчәк.