Пленумда катнашучылар “Рисаләи Газизә” китабына ия булды

Татарстан мөселманнары Диния нәзарәтенең чираттагы күчмә пленум утырышы Нурлатта узды. Утырышта мөфти Камил хәзрәт Сәмигуллин, аның беренче урынбасары Рөстәм хәзрәт Батыр, баш казый Җәлил хәзрәт Фазлыев, республиканың барлык районнары мөхтәсибләре, шул исәптән Зәйдән имам-мөхтәсиб Сәгыйть хәзрәт Камал катнашты. Чыгышында Камил хәзрәт алда торган эш-ниятләргә тукталды, нәзарәтнең төрле юнәлешләр өчен җаваплы әһелләре, район мөхтәсибләре чыгышлары тыңланды. Соңыннан мөхтәсибләргә, авыллардагы имамнарга өләшер өчен "Хузур" нәшрият йорты бастырган якташыбыз Таҗетдин Ялчыголның "Рисаләи Газизә" китабы һәм дини дисклар таратылды.