Район мәгариф идарәсе...

Район мәгариф идарәсе дәүләт алкоголь инспекциясенең ТР Зәй бүлеге белән берлектә кулланучылар хокукын яклау законнарына кагылышлы темага районның һәр мәктәбендә кече олимпиада үткәрде. Анда шәһәр һәм авыл мәктәпләренең IX сыйныфында укучы 471 бала катнашты. Быел биремнәр тест рәвешендә генә түгел, нинди дә булса катлаулы хәлдән закон нигезендә чыгу юлларын күрсәтүгә дә багышланды. Призлы урыннар алучылар март аенда үтәчәк Бөтендөнья кулланучылар хокукларын яклау көнендә олимпиаданың муниципаль турында катнашу хокукын алды.