Республикада бу тәүлектә COVID-19ны 103 кеше йоктырган

Татарстанда бу тәүлектә COVID-19ның 103  яңа  очрагы теркәлгән, өчесе – читтән кергән, калганнары  -  авыру белән элемтәдә булып йоктыручылар. 25 кеше хастаханәгә салынган, 78  кеше өйдә дәвалана.

Казанда - 47, Чаллыда - 24, Түбән Камада – сигез, Яшел Үзән районында – алты, Тукай районында – дүрт,  Чистай, Лениногорск районнарында – өчәр, Чирмешән  районында  – ике, Бөгелмә, Алабуга, Зәй, Мамадыш, Минзәлә, Ютазы районнарында - берәр очрак теркәлгән.

14 октябрьгә Татарстанда COVID-19ның  28 239 очрагы теркәлгән.

Барлыгы бу вакыт эчендә 23 882  кеше терелде.

Бүгенге көнгә республикада 1 171 872  кешегә вакцина  ясалган. Шуларның  974 713е  – вакцинаның икенче компонентын ясаткан.

Зәй шәһәр һәм район халкы үзләренә уңайлы булган прививка пунктларында коронавирустан вакцинацияне уза алалар:

- дүшәмбе-җомга - үзәк район хастаханәсе поликлиникасында 8:00дән 17: 00гә кадәр, төшке аш 12:00дән 13:00гә кадәр, шимбә һәм якшәмбе 8: 00дән 12:00гә кадәр;

- дүшәмбе-җомга кабул итү бүлегендә - 18:00дән 22:00 сәгатькә кадәр, шимбә һәм якшәмбе 12:00дән 22:00 сәгатькә кадәр;

- “Салават күпере” поликлиникасында - 9:00дән 16:00гә кадәр, төшке аш 12:00дән 13:00гә кадәр;

- Иске Зәй табиб амбулаториясендә - 9:00 дән 16:00 сәгатькә кадәр, төшке аш 12:00 дән 13:00 гә кадәр;

- Мирный микрорайонындагы табиб амбулаториясендә эш көннәрендә 9:00 дән 16:00гә кадәр. 12:00-13:00 - төшке аш, шимбә, якшәмбе – ял көннәре.