Республикада коронавирусның яңа 249 очрагы теркәлгән

Татарстанда бу тәүлектә COVID-19ның 249 яңа  очрагы теркәлгән, өчесе – читтән кергән, калганнары - авыру белән элемтәдә булып йоктыручылар. 72 кеше хастаханәләргә салынган, 177 кеше өйдә дәвалана.

Казанда – 168, Чаллыда – 23, Яшел Үзәндә – 11, Чистайда – 9, Түбән Камада – 5 кешегә коронавирус диагнозы куелган. Алабуга, Лаеш, Питрәч, Нурлат районнарында – дүртәр,  Аксубай районында – өч, Биектау, Кайбыч, Спас, Тәтеш  районнарында – икешәр, Әгерҗе, Алексеевск, Лениногорск, Менделеевск, Минзәлә, Мөслим  районнарында берәр очрак теркәлгән.

11 ноябрьгә  Татарстанда COVID-19ның 33 147 очрагы теркәлгән.

Барлыгы бу вакыт эчендә 26 429 кеше терелде, шул исәптән 188 кеше узган тәүлектә савыккан.

Бүгенге көнгә 1 758 303 кешегә вакцина  ясалган. Шуларның 1 165 897се – вакцинаның икенче компонентын ясаткан.