Семинарда катнаштылар

18 апрельдә ТР Дәүләт Советында коммерция булмаган оешмалар эшчәнлеге өчен җаваплы дәүләт һәм муниципаль хезмәткәрләр өчен "Хакимият органнары һәм коммерция булмаган оешмалар белән үзара эшчәнлек: проблемалар һәм перспективалар" темасына семинар узды. Анда бездән район Советының җәмәгать оешмалары, массакүләм мәгълүмат чаралары белән эшләү һәм милләтара мөнәсәбәтләр бүлеге башлыгы Фәрит Мусин, район башкарма комитеты җитәкчесенең социаль мәсьәләләр буенча урынбасары Светлана Иванова катнашты. Семинарда катнашучылар алдында ТР Юстиция министрлыгы идарәсе, Россия Федерациясе һәм Татарстан Республикасы иҗтимагый палаталары, ТР Икътисад министрлыгының фаразлау һәм стратегик үсеш идарәсе җаваплы хезмәткәрләре чыгыш ясады.