Спорт

Фигуралы шуу

Казанда фигуралы шуу буенча «Стрела» спорт мәктәбе ачык беренчелеге узды. Беренчелектә Зәй «Яшьлек» спорт мәктәбеннән 7 яшь фигуралы шуучы катнашты. Ярыш нәтиҗәләре буенча Валерия Казакова һәм Карина Семенова II урын алды.

Билбау көрәше

Черкесскийда үткән яшүсмерләр арасында билбау көрәше буенча Дөнья беренчелегендә Россия җыелма командасы составында «Зәй» спорт мәктәбеннән Екатерина Бусова катнашып, II урынга лаек булды.

Җиңел атлетика

9-10 ноябрьдә Түбән Камада Ю. Г. Жадовский истәлегенә спорт мәктәпләре арасында җиңел атлетика буенча очрашу булды. Ярыш нәтиҗәләре буенча Алия Шәрәфиева - 400 метр арага, Дмитрий Лисов 800 метрлы дистанциягә йөгерештә җиңүче булды.