Суда сак булыйк!

Быел җәйгә чыккач суда батып үлүчеләр саны арта бара. Саннар уйланырлык - районда инде 7 кеше батып үлде. Батучыларның соңгысы - Югары Пәнәче авылында яшәүче 2004 елда туган малай. Ул өч көн элек инеш суында батып үлә. Әлеге уңайдан кичә район башлыгы урынбасары Роберт Халитов рәислегендә гадәттән тыш хәлләр комиссиясе утырышы булды. Аңа авыл җирлекләре башлыклары, полиция участок инспекторлары, мәктәп директорлары чакырылды. Көн тәртибендә суда фаҗигаләрне кисәтү һәм янгын куркынычсызлыгын тәэмин итү мәсьәләләре җентекләп тикшерелде, катгый бурычлар куелды.