Тагын бер зәйлегә COVID-19 диагнозы куелган

Татарстанда бу тәүлектә COVID-19ның 102 яңа  очрагы теркәлгән, берсе – читтән кергән, калганнары - авыру белән элемтәдә булып йоктыручылар. 32 кеше хастаханәләргә салынган, 70 кеше өйдә дәвалана.

Казанда – 31, Чаллыда – егерме алты, Әлмәттә – алты, Чистайда – биш, Түбән Кама районында – дүрт кешегә коронавирус диагнозы куелган. Бөгелмә, Лаеш, Лениногорск, Нурлат, Тукай районнарында - өчәр, Яшел Үзән, Мамадышта – икешәр, Аксубай, Актаныш, Алексеевск, Югары Ослан, Алабуга, Зәй, Минзәлә, Яңа Чишмә, Питрәч, Балык Бистәсе, Ютазы  районнарында берәр очрак теркәлгән.

10 октябрьгә  Татарстанда COVID-19ның 27 836 очрагы теркәлгән.

Барлыгы бу вакыт эчендә 23 612 кеше терелде, шул исәптән 17 кеше узган тәүлектә савыккан.