Талпаннар активлаша

Санитар табиблар хәбәр итүенчә, узган атнада кискен респиратор вируслы инфекция (ОРВИ) белән авыручылар санының кимүе күзәтелә. Көннәрнең җылынуы салкын тидереп авыручылар саны кимүгә китерсә, талпаннарның уянуына сәбәп булды. Узган атнада бер мәктәп укучысына Ринат Фәрдиев исемендәге паркта талпан кадалып табибка мөрәҗәгать итте. Санитар табиблар искәртүенчә, 21 апрельдән талпаннарга каршы прививка ясату башланды. Парк, урман буйлары, агачлыкларның махсус препаратлар белән эшкәртелмәве сәбәпле, кешеләрдән саклык чаралары күрү сорала.