Тарифлар үзгәрә

Муниципаль районда мәетне җирләүдә исемлек буенча гарантияләнгән хезмәтләргә тарифлар расланды. Ритуаль хезмәтләр күрсәтү белән шөгыльләнүче төрле милек формасындагы оешма-предприятиеләргә шул карарга нигезләнеп хезмәт күрсәтергә киңәш ителә, ул 2014 елның 1 гыйнварыннан гамәлгә керә. Җирләү тарифы 5002,16 сум итеп билгеләнә. Шушы сумманың 122 сумы - күмү документлары әзерләүгә, 1633 сумы - ритуаль билгеләнештәге предметлар (материя, христианнар өчен тышланган табут, кәфенлек, ләхет такталары) өчен; 832,16 сумы - транспорт хезмәте өчен, 2415 сумы кабер казу һәм күмү эшләре өчен карала.