Татар рухы һәм каләм

Кичә Казанда Бөтендөнья татар конгрессы башкарма комитеты һәм "Татмедиа" Республика матбугат һәм массакүләм коммуникацияләр агентлыгы тарафыннан оештырылган Россия төбәкләрендәге татар массакүләм мәгълүмат чаралары редакторлары һәм журналистлары өчен тренинг-семинар, аның нәтиҗәләре буенча "түгәрәк өстәл" узды. Соңыннан БДБ илләре, Россия, Татарстан журналистлары һәм массакүләм мәгълүмат чаралары арасында татар дөньясы тормышын, көнкүрешен иң яхшы яктыртучы "Татар рухы һәм каләм" IV Бөтенроссия бәйгесе җиңүчеләрен бүләкләү тантанасы булды. Бүләкләнүчеләр арасында "Татар авыллары сакланышын һәм үсешен яктырту" номинациясендә җиңү яулаган журналистыбыз Рәзимә Кашапова да бар.