Татарстанда Covid-19га экспресс-тестлар куллана башлаячаклар

Бу хакта «Татар-информ» мәгълүмат агентлыгында узган матбугат конференциясендә ТР сәламәтлек саклау министрының беренче урынбасары Альмир Абашев сөйләгән.

- Без дүшәмбедән коронавирус инфекциясе йоктыручыга антиген билгеләү өчен экспресс-тестлар куллана башлыйбыз, – дип сөйләде спикер.

Табиблар мазокны борын-танау куышлыгыннан алалар, нәтиҗә нибары 20 минуттан соң гына әзер булачак. Бу ноу-хау Россия Сәламәтлек саклау министрлыгының клиник рекомендацияләре белән расланган.

Тестлар стационарга кабул итү өчен, югары температуралы пациентлар өчен – медицина күрсәткечләре буенча гына кулланылачак, дип ассызыклады министр урынбасары.

Альмир Абашев барлык кирәкле медицина манипуляцияләрендә һәм «коронавирус йогышы» диагнозын куелганда, антигенга тест белән авырган кешегә сертификат биреләчәк, дип өстәде.