Татарстанлылар күчемсез милекне ешрак сатып ала башлады

Татарстан халкы  күчемсез милекне ешрак сатып ала башлаган. Татарстан Росреестрында 2021 елның 10 ае эчендә исәп-теркәү өлкәсендәге мәгълүматларны анализлап әнә шундый нәтиҗәгә килгәннәр. Бу турыда Татарстан Росреестры матбугат хезмәте хәбәр итә.

Октябрьдә Татарстан Росреестры тарафыннан торак биналарга сату-алу буенча 15 меңгә якын килешү теркәлгән. Бу бер ай эчендә теркәлгән хокукларның иң күп сатулар. Моңа кадәр торак биналарга иң күп килешүләр агымдагы елның апрелендә (14,3 мең) теркәлгән иде. Сентябрь белән чагыштырганда, үсеш 1,5 тапкыр (9,7 мең) тәшкил иткән.

- Сату-алу эшләре саны узган елга караганда да сизелерлек артуны билгеләп үтәбез. Быел гына да 10 айда Татарстан Росреестры тарафыннан 250 меңгә якын сату-алу килешүе теркәлгән. Шул ук вакытта торак биналарга ихтыяҗ – 49 процентка (106 мең – 2020 елда, 157 896 - 2021 елда), ә җир кишәрлекләренә ихтыяҗ - ике тапкыр (61 454 һәм 126 386) артты, - ди Татарстан Республикасы буенча Росреестр идарәсе җитәкчесе урынбасары Лилия Борһанова.

Шулай ук өлешләп төзүдә катнашуга ихтыяҗның шактый артуы да билгеләнгән. Сентябрь белән чагыштырганда өлешләп төзүдә катнашу килешүләренең саны 1,5 тапкырга диярлек – 1 109 дан 1 657 гә кадәр арткан. 10 ай эчендә Татарстан Росреестры 15 меңнән артык шундый килешү теркәлгән.

Шунысы игътибарга лаек, октябрьдә күчемсез милек сатып алганда, татарстанлылар торак кредитларын шул ук сентябрь белән чагыштырганда ике тапкыр ешрак кулланган. Әйтик, октябрьдә Татарстан Росреестры тарафыннан кредит чараларын җәлеп итеп, 9 меңгә якын ипотека теркәлгән, сентябрьдә исә - 4 меңнән аз гына артык. Ипотека кредиты дәүләт программаларына килгәндә, ташламалы һәм авыл ипотекаларына килгәндә, алар ярдәмендә Татарстанда 2021 елның 10 аенда шундый 7 меңгә якын ипотека теркәлгән.

Тулаем алганда, 2021 елның 10 ае эчендә Татарстан Росреестрына исәп-теркәү эшләрен башкару өчен 900 меңгә якын гариза килгән.