Төрле программалар эшли

Зәй мәшгульлек үзәгендә эшсезлек проблемасын киметү максатында төрле программалар эшли. Мәсәлән, хәзер тәҗрибәсез яшьләр өчен тиз генә эш табу авыр. Бу хәлне җиңеләйтү өчен үзәктә "Беренче эш урыны", " Яшьләр практикасы" программалары старт алды. Алар нигезендә беренче 11 яшь кешегә хезмәт практикасы алу мөмкинлеге тудырылды. Шулай ук агымдагы елда һөнәр алу, һөнәрне үзгәртү мөмкинлеге бирү өчен дә 70 мең сум акча бүленгән иде. Монда өч яшькәчә бала белән декрет ялында утыручы 7 хатын-кыз яңа һөнәрле булды.