Узган тәүлектә тагын алты зәйлегә COVID-19 диагнозы куйганнар

Татарстанда бу тәүлектә COVID-19ның 176  яңа  очрагы теркәлгән, берсе – читтән кергән, калганнары  -  авыру белән элемтәдә булып йоктыручылар. 40 кеше хастаханәгә салынган, 136  кеше өйдә дәвалана.

Казанда – 68, Чистайда – 27, Чаллыда – 26, Саба, Зәй районнарында – алтышар, Әлмәт районында – биш, Биектау, Алабуга, Түбән Кама, Нурлат районнарында – дүртәр,  Аксубай, Питрәч, Тукай районнарында - өчәр, Чүпрәле, Лениногорск  районнарында  – икешәр, Бөгелмә, Буа, Яшел Үзән, Лаеш, Минзәлә, Мөслим, Тәтеш, Теләче, Чирмешән  районнарында - берәр очрак теркәлгән.

26 октябрьгә Татарстанда COVID-19ның  29 883 очрагы теркәлгән.

Барлыгы бу вакыт эчендә 24 748  кеше терелде.

Бүгенге көнгә республикада 1 441 976  кешегә вакцина  ясалган. Шуларның  1 010 598е  – вакцинаның икенче компонентын ясаткан.