Вакцинация башланды

Көннәрнең салкынайтуы кеше организмына тискәре йогынты ясый. Сентябрьнең беренче ункөнлегендә( ОРВИ ) кискен респиратор вируслы инфекция белән авыручылар саны районда артып киткән. Үзәк дәваханә мәгълүматлары буенча, моңа кадәр авыручылар 15-20дән артмаса, 9 -16 сентябрьдә авыручы 92 кеше теркәлгән. Узган атнада исә бу сан - 99. Шуларның 39ы - 17 яшькәчә балалар. 19 сентябрьдә үзәк дәваханәгә 6 мең доза "Гриполл" вакцинасы кайтарылган, алар беренче чиратта балалар бакчаларында тәрбияләнүчеләргә, әти-әниләре рөхсәте белән укучыларга ясала башлады.