Яңа композицияләр

Район җитәкчелеге Зәйне архитектура композицияләре белән тулыландыруны өстенлекле юнәлеш итә. Бу эш өч ел элек башланды. Узган ел исә шәһәрдә өч композиция урнаштырылды. Әлеге эш башында җирле рәссам, скульптор Фазыл Шиапов тора. Аның һәр эшендә тирән мәгънә ята. Эш быел да дәвам итә. Күптән түгел Чапаев урамындагы саклык банкы каршында янә бер архитектура композициясе урын алды. Автор әйтүенчә, яңа композиция акыл, зирәклекне, танып-белүгә омтылышны гәүдәләндерә. Агымдагы елда шундый өч композиция эшләнеп, шәһәр урамнарына урнаштырылачак.