Зәй инспекторлары кайбер йортларга янгын чыгу турында хәбәр бирүче автоном җайланмалар урнаштыралар

Күп балалы гаиләләр, өлкән яшьтәге ялгыз һәм физик мөмкинлекләре чикле булган кешеләр яшәүче йортларга янгын чыгу турында хәбәр бирүче автоном җайланмалар урнаштыру дәвам итә. Ул янгын куркынычсызлыгын тәэмин итү максатында куела.

23 ноябрьдә Зәй янгын күзәтчелеге бүлеге, 88нче янгын сүндерү часте һәм Бөтенроссия ирекле янгын сүндерү җәмгыяте инспекторлары һәм “Радость” халыкка социаль хезмәтләр күрсәү үзәге белгечләре авыр тормыш хәлендә калган һәм күп балалы гаиләләр йортларына шундый җайланма урнаштыр­дылар. Әлеге ведомствоара чарада катнашучылар янгын куркынычсызлыгы таләпләрен үтәү буенча профилактик әңгәмәләр дә үткәрделәр, бу темага кагылышлы белешмәләр дә тараттылар.