Зәйдә хәйрия максатында авыл хуҗалыгы ярминкәсе оештырылачак

Сатуда җирле җитештерүчеләрнең ит продукциясе, кош ите, балык, яшелчәләр, бал һәм башка товарлары тәкъдим ителәчәк. Авыл хуҗалыгы ярминкәсендә катнашучы шәхси эшмәкәрләр, крестьян-фермер хуҗалыклары, шәхси ярдәмче хуҗалыклар һәм үзмәшгульләр сатылган продукциядән керемнең биш процентын хәрби хезмәткәрләргә һәм аларның гаилә әгъзаларына ярдәм өчен бирәчәк. Шулай ук мәйданда гуманитар ярдәм җыю пункты да оештырылачак.

Хөрмәтле зәйлеләр, сезне дә игелекле гамәлгә кушылырга чакырабыз! Ярминкә иртәнге сәгать 7дә башлана.