Зәйле бер миллион сумга якын акчасын мошенникларга күчергән

Зәйдә яшәүче бер ир-атка билгесез кеше шалтыратып, үзен полиция хезмәткәре – Мәскәүдән тикшерүче дип таныштыра. Билгесез затның әлеге ир-атның счетыннан акча урларга теләвен әйтеп, аның ышанычын яулый һәм зыян күрүче 958 800 сум күләмендә акчасын мошенникның төрле счетларына күчерә.
“Бу факт буенча җинаять эше кузгатылды оператив-техник чаралар үткәрелә”, - дип хәбәр итәләр полициядән.