Үзенчәлекле концерт

Шәһәрнең музыка мәктәбе Җиңүнең 68 еллыгына багышланган чараларны дәвам итә.

"Үткәннәргә күз салып" исеме астында узган мәдәни чарага алар сугыш ветераны ракета гаскәрләре полковнигы Александр Васильевич Мурзин һәм аның тормыш иптәше Екатерина Стапеновнаны чакырып җылы эчтәлекле очрашу ясадылар. Сугыш еллары җырлары көйләрен төрле уен коралларында башкару өлкәннәргә аеруча тәэсир итте. Үз чиратларында алар да балаларга үткән авыр еллар турында сабак итеп сөйләделәр, бергәләп "Катюша" җырын башкардылар.