Зәй делегациясе дә катнашты

Узган җомгада Казанда "Ел хатын-кызы. Ел ир-аты: хатын-кыз карашы" республика бәйгесенең финал туры үтте. Анда эштә, гаиләдә, җәмәгать эшләрендә иң үрнәк гүзәл затларыбызны Татарстан Президенты Рөстәм Миңнеханов тәбрикләде. Тантанада бездән башкарма комитет җитәкчесе урынбасары Светлана Иванова җитәкчелегендә делегация катнашты. Алар арасында Эльвира Галактионова (ГРЭС хезмәткәре), Валентина Трошина (музыка мәктәбе), Миннегөл Насыйбуллина (мәдәният хезмәткәре), Наталья Буйволова (шикәр заводы), Хаҗия Хәйбуллина (сыер савучы), Мария Метрухина ("Мефро уилз Зәй заводы"), Гөлнур Һадиева (табиб-педиатр) бар.