Зәй шикәр заводы тулы куәтенә эшли

Бүгенге көндә шикәр заводы тулы куәтенә эшли. Завод кагат кырына 369633 тоннадан артык шикәр чөгендере кабул ителгән (6 октябрьгә), шуның 148738 тоннасы - Зәй районы агрофирмаларыннан. Биредә тәүлегенә 6500 тонна чөгендер эшкәртелә. Барлыгы 233398 тонна чимал эшкәртелеп, 36238 тонна шикәр комы алынган. Шикәрлелек - 18,94, пычраклык 9,1 процент тәшкил итә.
Шикәр заводы кагат кырына Тукай, Сарман, Минзәлә районнары хуҗалыкларыннан татлы тамыр китерелә. Тиздән Мөслим районы басу-кырларыннан да чөгендер ташый башлаячаклар. Зәй комбайнчылары Мөслим районында чөгендер казуда эшли.