Зәйдә бер предприятие территориясеннән әйберләр урлаганнар

29 октябрьдә район эчке эшләр бүлегенә Яшел Үзән шәһәрендә яшәүче берәү агымдагы елның 1 августыннан 28 октябренә кадәр чорда Зәйдәге бер предприятие территориясеннән бакыр кабельләре, инструментлар, компьютерлар, металл әйберләр урлаулары турында хәбәр итә. Килгән зыян күләме билгеләнә. Хәзерге вакытта әлеге җинаятьне кылучы затларны ачыклау буенча оператив-эзләү чаралары уздырыла.