Зәйдә бүген тагын бер кешегә COVID-19 диагнозы куйганнар

Татарстанда бу тәүлектә COVID-19ның 99 яңа  очрагы теркәлгән, икесе – читтән кергән, калганнары  -  авыру белән элемтәдә булып йоктыручылар. 27 кеше хастаханәгә салынган, 72  кеше өйдә дәвалана.

Казанда - 41, Чаллыда - 18, Алабуга, Лениногорск районнарында – алтышар, Аксубай, Түбән Камада – бишәр, Әлмәт, Лаеш   районнарында  – дүртәр, Алексеевск, Спас районнарында  – икешәр, Зәй, Питрәч  районнарында - берәр очрак теркәлгән.

12 октябрьгә Татарстанда COVID-19ның  28 035 очрагы теркәлгән.

Барлыгы бу вакыт эчендә 23 733  кеше терелде.

Бүгенге көнгә республикада 1 136 847  кешегә вакцина  ясалган. Шуларның  969 547се  – вакцинаның икенче компонентын ясаткан.

Зәй шәһәр һәм район халкы үзләренә уңайлы булган прививка пунктларында коронавирустан вакцинацияне уза алалар:
- дүшәмбе-җомга - үзәк район хастаханәсе поликлиникасында 8:00дән 17: 00гә кадәр, төшке аш 12:00дән 13:00гә кадәр, шимбә һәм якшәмбе 8: 00дән 12:00гә кадәр;
- дүшәмбе-җомга кабул итү бүлегендә - 18:00дән 22:00 сәгатькә кадәр, шимбә һәм якшәмбе 12:00дән 22:00 сәгатькә кадәр;
- “Салават күпере” поликлиникасында - 9:00дән 16:00гә кадәр, төшке аш 12:00дән 13:00гә кадәр;
- Иске Зәй табиб амбулаториясендә - 9:00 дән 16:00 сәгатькә кадәр, төшке аш 12:00 дән 13:00 гә кадәр;
- Мирный микрорайонындагы табиб амбулаториясендә эш көннәрендә 9:00 дән 16:00гә кадәр. 12:00-13:00 - төшке аш, шимбә, якшәмбе – ял көннәре.