Зәйлеләр сәламәтме?

Зәй районында бүгенге көндә 5211 кеше диспансеризация үткән. Бу - шушы чор өчен билгеләнгән планның 91,7 проценты. 2013 елга билгеләнгән план әлегә 52 процентка гына үтәлгән. Медицина тикшерүе узучыларның бары тик 29,2 проценты гына I сәламәтлек төркеменә керә, ягъни сәламәт (диспансер күзәтүе таләп ителми, хроник авырулары юк). 41 процент пациент III сәламәтлек төркемен тәшкил итә (даими күзәтү кирәк, махсус медицина ярдәме, шул исәптән югары технологияле ярдәм таләп ителә).